Господи Иисусе Христе, буди милость Твоя на моей крестнице (имя), сохрани ея под кровом Твоим, покрый от всякаго лукаваго похотения, отжени от нея всякаго врага и супостата, отверзи ей уши и очи сердечныя, даруй умиление и смирение сердцу ея.
Спаси, Господи, и помилуй мою крестницу (имя), и просвети ея светом разума Святаго Евангелия Твоего и настави ея на стезю заповедей Твоих и научи ея, Спасе, творити волю Твою, яко Ты еси Бог наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
МОЛИТВА ЗА ДЕТЕЙ И ЗА КРЕСТНИКОВ ОТЦА ИОАННА (КРЕСТЬЯНКИНА)
Сладчайший Иисусе! Боже сердца моего! Ты даровал мне чад моих и крестников (имена). И мою и их души искупил Ты Своею неоцененною Кровию. Ради Крови Твоея Божественныя умоляю Тебя, сладчайший мой Спаситель, благодатью Твоею прикоснись сердца чад моих и крестников (имена), огради их страхом Твоим Божественным, удержи их от дурных наклонностей и привычек, направь их на светлый путь жизни, истины и добра. Укрась жизнь их всем добрым и спасительным, устрой судьбу их, якоже Ты Сам хочеши и спаси души их ими же веси судьбами! Господи, Боже отцев наших! Чадам моим и крестникам (имена) дай сердце правое, чтобы соблюдать заповеди Твои, откровения Твои и уставы Твои. И исполнять все это! Аминь.